Anoop Santhakumar
വീഡിയോ – 06
സൊമാലിയ – സ്ത്രീകളെ മുറിവേൽപ്പിയ്ക്കുന്ന മുള്ളുകൾ
സൊമാലിയയുടേത് ഗോത്രാചാരങ്ങളെ അടിസ്ഥാനമാക്കിയുള്ള ഒരു സംസ്കാരമാണ്‌. മതവിശ്വാസമോ, വിദ്യാഭ്യാസമോ ഒന്നും തന്നെ ചില ആചാരങ്ങൾ സമൂഹത്തിൽ നിന്ന് മാറ്റി നിർത്തുന്നതിന്‌ കാരണമായിട്ടില്ല. ആചാരത്തെക്കുറിച്ചും സമൂഹത്തിന്റെ വിശ്വാസങ്ങളെക്കുറിച്ചും എല്ലാം വീഡിയോയിൽ വിവരിയ്ക്കുന്നു.
സിനിമ ഇല്ലാത്ത ഒരു നാട്ടിൽ നിന്നും ഹോളിവൂഡിൽ എത്തുകയും, അഭിനേതാവായി ബ്രിട്ടീഷ് അക്കാദമി പുരസ്കാരം നേടുകയും ചെയ്ത ഒരു സൊമാലിയൻ പൗരൻ ഉണ്ട്. അയാളെയും അയാൾ ചെയ്ത വേഷം എങ്ങനെ വ്യത്യസ്തമാകുന്നുവെന്നും വീഡിയോയിൽ വിശദമാക്കുന്നു.
സൊമാലിയ
തീവ്രവാദി ആക്രമണങ്ങളുടേയും പട്ടിണി മരണങ്ങളുടേയും കേന്ദ്രമായി മാത്രം അറിയപ്പെടുന്ന സൊമാലിയ. രാഷ്ട്രീയമായും സാമൂഹികമായും സാമ്പത്തികമായും തകർന്ന ഒരു നാടിന്റെ അവസ്ഥയെ സൂചിപ്പിയ്ക്കാൻ മാത്രം സൊമാലിയയുടെ പേരെടുത്ത് പറയുന്ന ലോകം. സൊമാലിയയെ നാം അറിയുന്നത് ഇങ്ങനെയൊക്കെയാണ്‌.
എന്നാൽ ശരിയ്ക്കും സൊമാലിയ ഇങ്ങനെയാണോ? സൊമാലിയയിലെ സാമൂഹിക രാഷ്ട്രീയ അന്തരീക്ഷം എന്താണ്…? എന്താണ് സൊമാലിയയിലെ ആഭ്യന്തര പ്രശ്നങ്ങൾ…? എല്ലാത്തിനുമുള്ള ഉത്തരങ്ങളാണ്‌ “സൊമാലിയൻ വിശേഷങ്ങൾ‘ എന്ന വീഡിയോ സീരീസിലൂടെ നിങ്ങൾക്കായി പങ്കു വയ്ക്കുന്നത്.
സൊമാലിയൻ വിശേഷങ്ങൾ – വീഡിയോ സീരീസ്
പത്ത് വീഡിയോകളിലൂടെ, സൊമാലിയയുടെ ചരിത്രം, അവിടത്തെ കാഴ്ചകളും വിശേഷങ്ങളും തുടങ്ങി ഒട്ടനവധി കാര്യങ്ങൾ നിങ്ങൾക്കായി പങ്കു വയ്ക്കുന്നു. സൊമാലിലാൻഡ് (ഉത്തര സൊമാലിയ)ൽ ജോലി ചെയ്തിരുന്ന കാലത്ത് എഴുതിയിരുന്ന ബ്ലോഗിനെ അടിസ്ഥാനമാക്കിയാണ്‌ ’സൊമാലിയൻ വിശേഷങ്ങൾ‘ എന്ന വീഡിയോ സീരീസ് ചെയ്തിരിയ്ക്കുന്നത്.
അനൂപ് ശാന്തകുമാർ
Add comment